भैरहवा । राष्ट्रिय स्वतन्त्र पार्टीका सभापति रवि लामिछानेविरुद्ध जिल्ला अदालत रुपन्देहीमा दर्ता भएको सहकारी ठगी र संगठित अपराध मुद्दाको थुनछेक बहस शुक्रवार (आज) पनि सकिएन ।
बिहीवार बिहान देखि सुरु भएको थुनछेक बहस शुक्रबार पनि नसकिएपछि आईतबार साढे १० बजे उपस्थित हुने गरी लामिछानेलाई परिवार र कानुन व्यवसायीको जिम्माजमानीमा पठाइएको जिल्ला अदालत रुपन्देहीका श्रेष्तेदार यज्ञमूर्ती ज्ञवालीले बताए ।
बुधवार अदालतमा हाजिर हभएका लामिछानेको बयान सकिएपछि परिवार र कानुन व्यवसायीको जिम्माजमानी छाडिएको थियो । शुक्रबारको बहसमा वादीका तर्फबाट ३ जना र प्रतिवादीका तर्फबाट ३ जनाले बहस गरेको ज्ञवालीले बताए ।
ज्ञवालीले सम्भवतः आइतबार बहस सकिएर थुनछेकको आदेश आउन सक्ने बताए ।
